Ikasleak eta ikasle ohiak elkarrekin ikasturte amaierako bazkarian

[2013/05/23]

Azken urteotako ohiturari jarraituz, batxilergoko bigarren mailako ikasleek, hirugarren ebaluazioa amaitzen dutenean, elkarrekin bazkaltzen dute ikasturteari amaiera emateko, eta aurreko urteko ikasle ohiak elkartzen zaizkie euren esperientziak kontatzeko. Irakasle, ikasle eta ikasle ohiek ordu batzuek elkarrekin igarotzen dituzte klaseetako seriotasun eta zurruntasunetik alde egin eta lasaitasun giroan. Argazki gehiago http://batxilergoa.leartik.com helbidean

Laneko zama fisikoa aztertzeko jardunaldia burutu du Fremapek

[2013/05/22]

Emir Diaz Martinez Ingeniariak eman du hitzaldia. Laneko zama fisikoak langileen osasunean duen eragina, nekea eta istripuen arteko lotura, gorputzeko muskulu eta eskeletoan izaten diren lesioak azpimarratu ditu lehenik.Ondoren, honek guztiak lan absentismoan, produktibitatearen jaitsieran eta akatsak ugaltzean duen eragina izan du aztergai.

Eraikuntzetan kalifikazio energetikoa egiteko araudi berriaz jardunaldia.

[2013/05/22]

Errenteriako Don Bosco ikastetxean egin da jardunaldia eta Energi eraginkortasuna eta eguzki energia termikoa zikloa ikasten ari direna izan dira bertan. Apirilaren 5ean onartu eta indarrean jarritako legearen inguruko xehetasunak ezagutzeko aukera izan da.

Telekomunikazioak eta Informatika sistemak zikloko ikasleak EITBn

[2013/05/20]

Hasieratik amaieraraino programa bat nola burutzen den azaldu zigun ingeniari batek. Informazioa nondik eta nola iristen den EITBko egoitzatara, informazioak zein bide egiten duen, informazioaren elaborazioa nola egiten den eta ikus-entzulearengana iristeko bidea nola egiten duen. Prozesu osoa saio batean.

Finlandiako eskolak bisitatzen Your ECVET proiektuarekin

[2013/05/20]

Lea Artibai Ikastetxekoak, Somorrostrokoak eta Sopuertakoan joan dira elkarrekin Finlandiara. Prestakuntza Zikloetako zuzendariak, arduradunak eta irakasleak. Helburua: Prestakuntza Zikloetan ematen den prestakuntza beste herrialdeetakoekin alderatzea eta hango eta hemengo hobekuntzak txertatzea ondo prestatutako teknikariak laneratzeko.

Geologiako ikasleak Zumaiako flischa bisitatzen izan dira

[2013/05/16]

Eguraldi txarrari aurpegi ona jarri eta Geologiako klasea (teorikoa eta praktikoa) egin dute Zumaian. Lehenengo eta behin Algorri interpretazio zentruan flischaren inguruko argibide teorikoak jaso zituzten eta ondoren flischak gordetzen dituen sekretuak bertotik bertora ikusi zituzten, duela 60 milioi urte itsas azpian sortutako harri sedementarioek osatutako geruza edo duela 65 milioi urte Mexiko inguruan jausitako meteoritoak Zumaian utzitako iridio geruza, .....

Udaletxeko artxiboa bisitatu dute Giza baliabideen gestioa ikastarokoek

[2013/05/07]

Markina-Xemeingo udaletxean artxibozainak, Igor Idoetak, egin die harrera eta artxiboaren funtzioa eta ezaugarriak aurkeztu dizkiete lehenengo. Ondoren artxiboak ikustera joan dira eta ikusi ahala kontserbaziorako egin dituzten lanak, firma elektronikoa eta artxiboaren funtzionamendua azaldu dizkie.

Leartiker Elikagaien Teknologia Europako Gaztagile Artisauen Bilkuran

[2013/05/02]

Joan zen astean Cork-en (Irlanda), Europako Gaztagile Artisauen 5. Bilkura ospatu zen eta bertan Leartiker Elikagaien Teknologiak hartu zuen parte. Europako 11 herrialdeetako (Frantzia, Alemania, Holanda, Irlanda, Norbegia, Finlandia, Erresuma Batua, Italia,...) 150 gaztagiletik gora elkartu ziren bertan proiektu amankomunak landu asmoz. Gaztagile eta Esneki Ekozle Artisauen Europear sarea eratu da eta bertako bazkide gara. Gaztandegiak bisitatu, hitzaldiak entzun, gazta dastaketan parte hartu eta lan taldeetan alor ezberdinak lantzen aritzeko denbora izan genuen. Esperientzia oso aberasgarria benetan!

IkusLAI 1.bideo lehiaketa

[2013/04/29]

Lea Artibai Ikastetxeak IKUSLAI 1.bideo lehiaketa antolatu du. Mugikor edota argazki makinarekin grabatutako bideoak izango dira, ETORKIZUNA ERAIKIZ lelopean. Lehiaketan parte hartzeko bertoko ikaslea izan behar da. Bozketa web orritik egingo da maiatzaren 27tik 31ra bitartean eta saria ekainaren 4an emango da.

BIDEO LEHIAKETAKO OINARRIAK.pdf

Ingeniaritzan karrera amaierako proiektu onenaren saria Iñaki Arrizubietarentzat

[2013/04/24]

Lea Artibai Ikastetxean batxilergoa ikasi eta Bilboko Ingeniaritza eskolara joan zen Iñaki Arrizubieta. Goi Mailako Ingeniaritza ikasketak amaitu eta karrera amaierako proiektua aurkeztu du: "Mikroskopio neurriko zuloak egiteko laser industrialak dituen mugak". Karrera amaierako proiektuak aztertu eta saria ematen du Sociedad Española de Ingeniería de Fabricación elkarteak, aurten Iñaki Arrizubietak aurkeztutako proiektuak eraman du sari nagusia.

Goimek enpresako instalazioak bisitatu dituzte Fabrikazio Mekanikoko ikasleek

[2013/04/19]

Fabrikazio Mekanikoko Zikloak piezak mekanizatzen eta neurtzen ikasteko atala lantzen da eta ikasitakoa praktikan ikustera joan dira Goimek enpresak Itziarko poligonoa duen produkzio plantara. Goimeken pieza handiak mekanizatu, tratamendu termikoa eman, margotu, neurtu eta bezeroei entregatzeko prestatzen dituzte.

Batxilergoko sari berezia jaso du Nerea Ibarzabalek

[2013/04/19]

2011 2012 urteko Batxilergoko Sari bereziak banatu ditu Hezkuntza Sailak. 15 ikasle izan dira saria jasotzen eta horien artean Batxilergoko Sari berezian notarik onena atera duen ikaslea Nerea Ibarzabal Salegi.Diploma eta atzerrian hizkuntza praktikatzeko beka jaso ditu eta uda honetan Bostonera joango da ingelesa praktikatzera.

EITBren Bilboko instalazioak bisitatu dituzte Batxilergo Teknologikokoek

[2013/04/16]

Irratsaioak eta telebistako programak egiten dituzten guneak bisitatu ditugu, baita programak grabatzen ikusi ere eta Radio Euskadin goizetan emititzen den irrati saiora zuzenean sartzeko aukera ere eman digute. Gure etxeko sofan eserita ikusten ditugun programak nola egiten diren eta irratian entzuten ditugun saioak nola gauzatzen diren zuzen-zuzenean ikusi ditugu.

Garraiobideak eta mugikortasun jasangarriaren inguruko lanetan bideoak izan dira nagusi

[2013/04/16]

Euskara eta garraiobideak, Kafe filosofikoa, Mugikortasun jasagarriaren zergatia, Autoa eta bizikleta elektrikoa, Hiriak nola aldatu diren, Markina-Xemein herrirako proposamenak, ..., izan dira landutako gaiak. Formato desberdinetan iritsi dira proiektuak, pptak, bideoak, erakusketa, lehiaketak, .....

Leartikerren irudi berria

[2013/04/11]

Leartiker markaren irudi berria aurkeztu dute. - Gaur egun zentro teknolokikoak 30 ikerlari baino gehiago ditu. - Europako enpresekin proiektu berritzaileak garatzen dituzte

IZAR enpresa bisitatu dute Zornotzan Fabrikazio Mekanikoko ikasleek

[2013/04/10]

Mekanizaziorako erremintak egiten dituzte Izar Enpresan, barautsak, fresak, ...., baita igeltseritzan edo arotzerian lan egitekoak ere. 24.000 metro karratuko instalakuntza berriak dituzte erremintak ekoizteko azken teknologiekin prestatuta.

Udaberri festan inoiz baino trebetasun gehiago izan dira

[2013/04/10]

Karta jokoak, pokerra, pilota, futbitoa eta Korrika txikian parte hartzeko tartea izan dira goizetik eguerdira bitarteko saioan. Sing starrean kantatzeko dohaiak erakutsi dituzte lau taldetako ordezkariek eta herri kirolen saioa izan da ondoren. Bazkal ondoren trebetasunak eta play backa.

Elikagaiak elaboratu eta dastatu dituzte batxilergoko ikasleak

[2013/03/21]

Elikagaien industriako prozesuak eta kalitatea zikloa ezagutzen izan dira ikasleak, bertoko instalazioak ikusi eta elikagaigintza eta dastaketa tailerrak egin dituzte. Smoothie batidotxoa prestatu eta dastatu dute. Horrez gain beste elikagaien kata ere burutu dute ikusmena, dastamena eta usaimena proban jarrita.

Epídico obra ikusi dute Bilbon Latineko eta Literatura Unibertsaleko ikasleek

[2013/03/20]

Epidiko esklabua da. Bere nagusiak gerrara joan aurretik maite duen neska erosteko eskatzen dio Epidikok nagusiaren agindua bete egiten du. Gerratik bueltan nagusiak jada ez du maite Epidikok erosi zuen neska eta beste bat maite duenez Epidikok tranpa eta iruzurrak egiten ditu neska berria eskuratzeko.

Fagor Arrasate bisitatu dute Batxilergo Teknologikokoak

[2013/03/15]

Tamainu handiko prentsak egiten dituzte Fagor Arrasate enpresan eta horiek ikusteko asmotan joan dira batxilergoko ikasleak Industria Teknologiako irakaslearekin. Iritsi bezain pronto, Toni Azpiazuk, enpresako gerenteak, harrera egin eta produkzioko planta erakutsi die.

Teknologia astea izango dute batxilergoko lehen mailakoak

[2013/03/15]

Teknologiako zortzi atal landuko dituzte tailer praktikoetan ariketak eginaz: elektronika industriala, telekomunikazioak, informatika, elikagaiak, efizientzia energetikoa, fabrikazio mekanikoa, diseinu industriala eta administrazioa.

Banco de España bisitatu dute Lanbideko ikasleek

[2013/03/12]

Banco de Españak Bilbon daukan egoitzan izan dira Sistema Financiero ikasten ari direnak. Teorian ikasitakoa hurbilagotik ezagutzeko, Banco de Españaren funtzioak, eurosistema eta Europako Bankuaren funtzioak ere azaldu zizkien Bankuko zuzendariak, Guillermo U. Perez Cortesek.

BBk bertso txapelketa azken kanporaketa jokatu da Lea Artibai Ikastetxean

[2013/03/11]

Lea Artibai eskualdea eta Uribe kosta lehiatu dira eta bost punturen diferentziaz Uribe Kosta pasa da aurrera, izan ere, Lea Artibaikoek 411 puntu lortu dituzte eta Ipar Uribekoek 416. 50 bertsolari 6 taldeetan antolatuta ari dira lehiatzen eta horietatik lau taldek egin dute aurrera. Hurrengo saioak Durangon martxoaren 12an eta Algortan martxoaren 13an izango dira. Saioa, berriz, hil berria den Joseba Erkiziari jarritako bi bertso kantatuta amaitu da.

Ganten izan dira AFkoak enpresa simulatuen ferian

[2013/03/07]

Bruselasera joan dira lehenengo eta bidaia aprobetxatu dute Europako parlamentuan (Bruselas) Euskadik duen delegazioa bisitatzeko, ondoren Parlamentariumera joan ziren eta komisioaren hitzaldia entzuteko aukera izan zuten. Bigarren egunean Ganten eta Brujas bisitatu dituzte.

Lehen sorospenak eta diabetesa tailerra

[2013/03/06]

Lorea Etxaburu gidari dela egin dute lehen sorospen tailerra Administrazio eta Finantzatako ikasleek. Ustekabeko istripu, zauri, estualdi baten aurrean nola jokatu ikasteko aukera izan da eta diabetesa duten pertsonek izan dezaketen estualdian jarraitu beharreko pausuak ere azaldu ditu

Garraiobideak eta mugikortasun jasangarria lantzen 1. mailakoak

[2013/02/28]

Bideoak ikusi, argazkiak bildu, kalera irten eta elkarrizketak egin, debaterako gaia zehaztu eta alde eta kontrako arrazoiak landu, murala egiteko ideiak aztertu, irudietan nola jarri aztertu eta murala diseinatu ostean marrazkiak egin eta pintatu, informazioa bildu, hautatu eta ikaskideen aurrean aurkezteko moduan prestatu, ?., lana, lana eta lana?.

Atzerrian lan praktikak egitera joango dira Prestakuntza Zikloetakoak

[2013/02/26]

Bederatzi beka eskatu dira eta bederatzi beka lortu dira Prestakuntza zikloa amaitu ostean lan praktikak atzerrian egiteko. Martxoan eta apirilean joango dira ikasleak atzerrira. Lehenengo abiatuko dena Kepa Arrizabalaga, Leonardo bekarekin Italiako Vincenza herrira joango da.

Galdakaoko ospitala eta San Mameseko Ingeniaritza eskola bisitatu dituzte batxilergokoek

[2013/02/26]

Galdakaoko ospitalera joan dira zientzietako ikasleak eta bertako instalazioak bisitatu dituzte ospitalegi gidaren aginduak jarraituz, San Mameseko Ingeniairtza eskola bisitatu dutenek, aldiz, bertan irakasten diren Graduen berri izan dute.

Enpresa gazteen topagunean izan gara Eibarren

[2013/02/20]

Enpresa nola sortu, erosketak eta salmentak nola egin, enpresa bateko gestioa nola eraman, ... lantzen dituzte Prestakuntza Zikloak ikasten dituztenak. Eskolan lehen ideiak proposatu eta landu ostean, Eibarra joan dira Enpresa Gazteen Topagunera.

Markina-Xemeingo Hondakin Uren Araztegia bisitatu dute biologia eta elikagaietako ikasleek

[2013/02/08]

Ur zikinak nola garbitzen dituzten ezagutzera joan ziren Batxilergoko biologiako ikaslezk eta Elikagaien industriako prozesuak eta kalitatea zikloko ikasleak. Hiru fase nagusi erabiltzen dira Hondakin urak garbitzeko, hondakin solido haundienak kentzeko aurretratamendua, area eta koipeak kentzeko lehen tratamendua eta uraren material organikoak garbitzeko tratamendu biologikoa.

Telekomunikazio Sistemetako ikasleak Euskaltelen

[2013/02/07]

Telefono finkoa, mugikorra, internet eta telebistako zerbitzuak eman eta kudeatzeko dituzten baliabideak ikusteko aukera izan zuten ikasleek. Horrez gain, telekomunikazio sareetan erabiltzen diren beste teknologiak ere erakutsi zizkieten.

Peñas Negras interpretazio zentroan izan dira batxilergoko ikasleak

[2013/02/06]

Meatze eta industri jarduerak izan dituen ondorioak ikusi eta bertatik ezagutu dituzte baita paisaian gertatu diren aztarnak ikusi eta interpretatzen ikasi ere, izan ere Bizkaiko industriaren bilakaeran eragin handia izan zuten Triano eta Galdames mendietako meategiek.

Meatzaritza museora joan dira Giza eta Gizarte Zientzietako ikasleak

[2013/02/05]

Bizkaiko industrializazioaren oinarri izan ziren meategiak eta Gallartako Meatzarien Museoan jasota dago Bizkaiko meatzaritzaren historia. Giza- Gizarte-Zientzietako ikasleek historiako ikasgaian jasotako teoriaren ataltxo bat praktikan nola bizi izan zen ikusteko aprobetxatu dute

Administrazio eta Finantzatako ikasleak Bilboko burtsan izan dira

[2013/01/30]

Burtsan egiten diren negozioen berri unean bertan ikusteko aukera izan zuten ikasleek, pantailatan aldatzen zihoazen heinean boltsan erosi eta saltzen ziren baloreak. Indizeak nola kalkulatu eta aldatzen diren ere ezagutu genuen.

Sexu ikastaroa Batxilergo eta Erdi Mailako ikasleentzat

[2013/01/23]

Rafa Godoyk gidatutako ikastaroan giza harremanak, sexu harremanak eta HIESAren inguruko jakingarriak landu dituzte. Batxilergoko lehen mailako ikasleak taldeka egiten dituzte saioak, baita Prestakun Zikloetako Erdi Mailako ikasleek ere.

Danobat bisitatzen izan dira hiru ziklotako ikasleak

[2013/01/22]

Erregulazio Sistemak, Fabrikazio Mekanikoa eta Mantenimendu Elektromekanikoa ikasten ari diren ikasleak izan dira Elgoibarren Danobat enpresa kooperatibako makinaria ikusten. Ikasketekin lotutako irteera izan da, hain zuzen ere teorian eta eskolako praktiketan ikasitakoa, maila handiagoan ikusi dute.

Unibertsitateko aukera egin aurretik UNITOURrera joan dira

[2013/01/16]

Graduko ikasketen inguruko informazioa ematen da UNITOUR ferian eta bertan izan dira Batxilergoko bigarren maila egiten ari diren ikasleak. Erabakiak hartzeko unea da bigarren maila, aurrera begira zein ikasketa egin erabaki behar da eta horretan laguntzen dute Euskal Herriko, estatuko eta atzerriko unibertsitateek euren eskaintzaren berri emanaz. Aurten EHUko standik ez da egon eta ikasleek faltan bota dute, hain zuzen ere, askoren asmoen barruan dagoelako EHUn ikastea.

ECIA-XEMEIN enpresa bisitatu dute Mantenimendu Elektromekanikoko ikasleek

[2013/01/08]

Metrologian ikasitako teoria praktikan ikusteko aukera ematen du ECIA-XEMEIN enpresak eta bertan izan diren ikasleek metrologiako makina desberdinak ikusi dituzte eta egiten duten lanaren berri eman diete bertako arduradunek.

Hirugiharra eta txorizoak prestatu dituzte Elikagaietako ikasleek

[2013/01/07]

Elikagaien industriako prozesuak eta kalitatea ikasten duten ikasleek eta Elikagaien Industrian produktu berriak lantzen dihardutenek haragiaren atala landu dute eta produktu berriak elaboratu dituzte. Hirugiharra eta txorizoak egin dituzte.

Botero eta Oldenburgen obrak ikusi dituzte Bilbon Arte eta Giza Zientzietako ikasleek

[2013/01/07]

Arteko ikasleek landu berriak dituzte Botero eta Oldenburgen obrak gelan eta aukera aparta etorri zaie Bilbon bi erakusketak pare-parean gertatu direlako, Guggenheimen Claes Oldembrugen lanak eta Arde Ederretako museoan Boteroren lanak.

Kiroldegietako bero instalazioak bisitatzen izan gara Eskoriatzan eta Aretxabaletan

[2012/12/20]

Eguzki energia termikoa eta eguzki energia fotoboltaikoa erabiltzen dute energia sortzeko eta instalazioak bisitatzerakoan euren berri eman ziguten baita igerilekuaren berokuntza eta klimatizazioa nola egiten duten ere. Ur instalazioak ere erakutsi zizkiguten eta ur bero sanitarioa ere.

Lan harremanetako eztabaidak konpontzeko kontziliazio mahaiaren saioan

[2012/12/20]

Bilbora joan dira Fabrikazio Mekanikoko produkzioa, Telekomunikazio eta Informatika Sistemak, Automatizazioa eta Robotika Industriala eta Administrazioa eta Finantzak ikasten ari diren ikasleak. Helburua, Lan Harremanak ikasgaian ikasitakoa aurrez aurre ikustea.

Enpresa simulatuen topaldian izan dira Administrazio eta Finantzatakoak

[2012/12/20]

Azkoitira iritsi eta stand-a jarri zuten lehenbizi, arduradunak Administrazio eta Finantzatako Prestakuntza Ziklokoak, laguntzaileak Giza-Gizarte zientzietako batxilergoko ikasleak. Batzuek horma dotoretu bitartean besteak mahaian produktuak, katalogoak eta erosketak zein salmentak egiteko paperak antolatu zituzten.

Jaizkibelgo Telekomunikazio instalazioak bisitatzen izan gara

[2012/12/19]

Telekomunikazio eta Informatika zikloko ikasleak Jaizkibel mendira joan dira. Bertan daude Euskal Herriko IRRATI-TELEBISTA. MUGIKOR eta TETRA sareen telekomunikazio azpiegiturak. Itelazpi enpresako teknikariek instalazioetan dauden gailuen azalpen teknikoak eman dizkigute.

Nobel Sariei galderak egitera joan gara Bilbora

[2012/12/19]

Pedro Migel Etxenike moderatzaile dela eseri dira mahaian Sir Tim Hunt (Nobel Saria 2001), Aaron Ciechanover (Nobel Saria 2004) eta Gines Morata (Asturiasko Printzea Saria 2007). Ikasle asko euren hitzak entzuteko adi-adi, tartean Pedro Migel Etxenikeren alaba eta Lea Artibai Ikastetxeko lau ikasle. Saioaren aurkezpena Pedro Migel Etxenikek egin du eta ondoren hizlari bakoitzak bere ibilbidearen berri eman du.

Euskararen egunean MIHILUZE lehiaketan 1BGGZ irabazle

[2012/12/14]

Ikasleek antolatu dute MIHILUZE saioa Euskararen egunean. Lehenengo mailako bi taldek eta bigarren mailako beste bi taldek hartu dute parte lehiaketan. Ikusle taldekideak eta Erdi Mailako Prestakuntza Zikloetako ikasleak.

Makinen segurtasuna, komertzializatzea eta prest jartzea

[2012/12/13]

Jardunaldia 2006/42/CE Makinen Direktiba berria eta 1644/2008 Errege Dekretuaren azalpenak emanaz hasi zen eta jarraian ·1435/1992 Errege Dekretuari buruzko desberdintasunak erakutsi zituzten.Ondoren Makinak komerzializatzeko eta zerbitzuan jartzeko arauak zehaztu zituzten, besteak beste, funtsezko baldintzak, arau harmonizatuak eta salbuespenak.

AFko ikasleak Bilboko Epaitegian izan dira

[2012/12/12]

Bi epaiketa ikusteko aukera izan dute Administrazioa eta Finantzak ikasten ari diren bigarren mailako ikasleek bata kontentzioso administratiboa eta bestea epaiketa zibila. Kotxeari eragindako kalteak nork ordaindu behar dituen erabaki behar zen lehen epaiketan eta istripu baten ondorioz bajan egindako egunak gehiegizkoak izan diren ala ez erabaki behar zen bigarren epaiketan.

3D evolution, antzerkia ingelesez

[2012/12/05]

Londonen Olinpiar Jokoak dira eta teknologia berriekin prestatutako aurkezpena egiteko arazoak daude. Makinak huts egiten du baina ekitaldia egin egin behar da eta hor hasten da irudimena lanean. Aretoa jendez beteta dago, beraz, zergatik ez egin pertsonekin makinak proiektatzeko pentsatuta zegoena?

Global Training bekak eskolako bost ikaslerentzat

[2012/11/07]

Lan praktikak atzerriko enpresatan soldata kobratuz egiteko aukera zabaltzen dute Global Training bekek eta eskaera ikasle askok luzatu ohi dute, Lea Artibai Ikastetxekoek ere bai. Hona hemen Global Training beka eskuratu duten ikasleen zerrenda: Jon Haitz Baciola, Axular Basterretxea, Alain Rio, Josu Egia eta Joana Zugadi.

Ingeniaritzan Mailako Espediente Onenaren Saria bi ikasle ohiri

[2012/10/24]

Batxilergoa Lea Artibai Ikastetxean egin eta Bilboko Ingeniaritza eskolara joan ziren Iraitz Legarra eta Jon Iñaki Arrizubieta. Elektronika Industrialeko Ingeniaritza ikasi du Iraitz Legarrak eta Industria Ingeniaritza Jon Iñaki Arrizubietak. Biak ala biak Mailako Espediente Onenaren Sari Berezia lortu dute. Batezbesteko notak honakoak dira: Iraitz Legarrak 8,66 eta Jon Iñaki Arrizubietak 8,61.

Talde dinamika lantzen izan dira Ibarrezkerra eskolan

[2012/10/11]

Enpresa Gaztea proiektuan dabiltzan ikasleak joan dira Bilbora talde dinamika lantzera Bizkaiko beste ikastetxeekin bat eginda: San Viator, Maristak, Lea Artibai, .... Biribil handi batean eserita ikasle eta irakasleak Zerk apasionatzen zaitu? galderari erantzun diote.

eta zure laguna? 4 ipod zotz egin ditugu

[2012/10/11]

Aretoan elkartu eta bi multzotan banatuta zeuden lehiaketan parte hartu duten ikasleen zenbakiak, kutxa batean lagunak eta besteak ikasleak. Ikasle batek hautatu ditu lau irabazleak eta honako hauek izan dira. Lagunen taldean: Ioritz Urizarbarrena eta Imanol Goitia. Ikasleen taldean: Egoitz Elezgarai eta Aitor Serrano. Zorionak!

Makinen segurtasunaz tailer praktikoa enpresetako teknikarientzat

[2012/10/10]

FREMAPek antolatutako ikastaroa izan da eta inguruko enpresetako ordezkariak izan dira tailer praktikoan. Plazak mugatuak izan direnez enpresa bakoitzetik teknikari batek izan du parte hartzeko aukera.

Zeu ere izan zaitezke enpresari!

[2012/10/01]

Prestakuntza Zikloetako bigarren mailako ikasleak izan dira DEMAk antolatutako saioan. Nola ikusten duzu zeure burua hemendik 10 urtera? Enpresa baten jabe izatea gustatuko litzaizuke? Zeintzuk izan litezke enpresari? pertsona nagusiak, adin ertainekoak, pertsona gazteak, .....

Nerea Ibarzabalek Euskadiko Batxilergoko sari berezia eskuratu du

[2012/07/05]

Batxilergoko Sari bereziak 15 ikasleri ematen zaizkie eta 15 horien artean Nerea Ibarzabalek puntuaziorik handiena lortu du, beraz, Euskadiko Batxilergoko Sari berezietan Ikasle bikainena izan da eta hori ziurtatzeko agiria eskuratuko du, baita 964 euroko saria ere eta atzerrian ingelesa ikasteko programan parte hartzeko aukera ere izango du

48 ikasletatik 47k gainditu dute selektibitatea ohiko saioan

[2012/06/19]

Selektibitateko fase orokorreko probak egin dituzte ikasle guztiek eta fase espezifikoko ikasgai bat, bi edo hiru datozen ikasketetan nota premia ikusten zuten ikasleek. Selektibitateko batez besteko nota, 6,36koa izan da eta Lea Artibai Ikastetxeko batez bestekoa 6,63koa. 2011-2012 ikasturteko batez besteko nota orokorra, berriz, 7,12koa izan da.

Ohorezko matrikulak eta Batxilergoko sari bereziak

[2012/05/28]

Oier Onaindia, Nerea Ibarzabal eta Maialen Hernandezek eskuratu dituzte 2011-2012 ikasturteko ohorezko matrikulak. Hiru ikasle horiez gain beste bost ikaslek ere badute Batxilergoko sari berezietara aurkezteko aukera: Janire Garate, Martzel Arriaga, Ainhoa Basterretxea, Andrea Burgoa eta Paula Moralek.

EKIPO ETA TEKNOLOGIA BERRIAK

[2012/05/16]

LEARTIKER- Elikagaien Teknologiak, lehiakortasuna hobetzeko helburuarekin eta erronka berriei aurre egiteko asmoz, ekipo eta teknologia berriak eskuratu ditu. Besteak beste, hauek dira eskuratutako ekipo berriak: Atmosfera eraldatuan eta second skinean ontziratzeko Ulma Smart 500 modeloko ontziratze makina, gatzura eta edarientzako PRODELeko Armfield FT18-E Ultrairagazketa Unitatea, gatzura, esnea eta esnekien analisiak burutzeko FOSS-en MilkoScan FT2 Sistema, eta Telstar-en Lyoquest -ºC/ECO laborategiko liofilizadorea.

Hemeroteka | RSS